Два найважнейшыя аспекты, якія нельга выпускаць з погляду, набываючы другога труса - гэта рэпрадуктыўная здольнасць і імкненне трусаў абараняць сваю тэрыторыю.

Па полу. Спакласці трэба абодвух трусаў: утрыманне разам спакладанага самца ды нестэрэлізаванай самкі звычайна прыводзіць да ілжывых цяжарнасцяў і іншых непрыемных наступстваў. Найчасцей раюць утрымоўваць разнаполых трусаў, гэта адно з самых простых знаёмстваў, часта каханне з першага позірку, але не заўсёды. Дзве нестэрылізаваныя самкі пасля палавой сталасці падчас знаёмяцца проста, але падчас паводзяць сябе ваяўніча і бываюць не вельмі сумяшчальныя. Два самцы звычайна ваяўнічыя ўпачатку. Неспакладзеныя самцы б'юцца ўвогуле смяротна, у той час як два спакладзеных самца могуць добра і моцна сябраваць, таксама як і стэрэлізаваныя самкі.

Па ўзросту. Вельмі проста зводзіць двух маленькіх трусянят. Трусянятка ды дарослага труса - часам цяжка, аднак, гэта таксама спрацуе, калі дарослы талерантны. Але ў выпадку з малым трэба быць вельмі асцярожнымі: скуру трусянят вельмі лёгка разадраць, і гэта балюча, як Вы можаце сабе ўявіць. Акрамя таго, трусяня безабароннае, яно зусім не можа абараніцца ад дарослага труса. У трусаў паслаблены інстынкт "абараняць усіх малых". Дарослым даволі абыякава, ці з'яўляецца гэты незнаёмы "захопнік тэрыторыя" яшчэ маленькім ці не. Акрамя таго, у іх абсалютна розныя інтэрасы. Трусяняты яшчэ жадаюць бавіцца, а дарослыя хочуць мець свой спакой. Гэтаксама як у людзей, дарослым больш не цікава гуляць у цацкі. Лепш за ўсё, каб новы партнёр быў па ўзросту прыблізна падобны на першага, тады ў труса будзе партнёр, у якога ёсць тыя самы самыя жаданні, як і ў яго самога.

Трэба ўлічваць таксама і прыналежнасць тэрыторыі. Цяжэй падсяліць новага самца ў заняты самкай пакой, чым наадварот. Самкі вельмі тэрытарыяльныя і лёгка пачынаюць спрэчку з умоўна няпрошаным госцем. А вось двух новых у хаце трусаў (любога полу) пазнаёміць вельмі проста.

Па колькасці трусаў. Складана сказаць, ці цяжка звесці тры або больш трусаў. Гэта залежыць ад іх полу, характару, а таксама ад таго, ці з'яўляюцца двое з іх ужо парай.

Па памеру. Памер не мае прынцыповага значэння - нават дробны трус, калі ў яго ёсць задаткі лідэра, можа падпарадкаваць сабе буйнейшага сябра.

Вырашальным для добрых адносін з'яўляецца асабісты характар жывёл. Нельга злучаць дамінантнага труса (ці труску) з такім жа па характару. Гэтая камбінацыя з самога пачатку прызначаная на няўдачу. Дамінуючым жывёлам падыходзяць пакорлівыя партнёры, таксама нейлепшым чынам разумюцца два пакорлівыя або стрыманыя трусікі.