У мяне гэтая пераноска з'явілася некалькі месяцаў таму, мы таксама выкарыстоўваем яе як хатку-сховішча, калі ідзем на шпацыр. Майму трусу вельмі падабаецца гэта пераноска, ніякага параўнання да ўсіх папярэдніх, што я набывала або рабіла сама. З адваротнага боку сховішча я зрабіла другі ўваход, трусам падабаецца, калі ў хатцы ёсць 2 уваходы/выхады. Гэта пераноска складная, бо галоўныя часткі мацуюцца маланкамі.

Вось нарыс - узор з вымярэннямі на выпадак, калі хто-небудзь пажадае зрабіць свайму трусу такую ж:

Не забудцеся дадаць прыпускі на шво.

* Першая дэталь (дах) трохпластная: верхні пласт - з водаадпорнай тканіны, сярэдні - з паралону, ніжні - з любой тканіны. Паўз цэнтр прышываецца палоска-ручка.
* Другая частка (пярэднія дзверы) - з сеткі, лепш за ўсё танюткай пластыкавай, якую можна звярнуць у трубку.
* Трэцяя дэталь (аканіца) робіцца ў двух экзэмплярах, па адной для правай ды левай сцяны.
* Чацвёртая частка (дзверы) патрэбна, каб можна было зачыніць задняе выйсце.
* Пятую (фронт) можна сшыць з двух кавалкаў рознакаляровай тканіны, каб было прыгажэй.
* Шостая дэталь складаецца з уласна сцяны ды вакна (сетка), паверх прышываецца кішэнь. Робіцца шостая частка ў двух экзэмплярах.
* Сёмую дэталь (тылавую сцену) можна сшыць з асобных кавалкаў рознакаляровай тканіны.
* Восьмая дэталь (падлога) самая простая. Дадаткова па гэтаму ж прымерніку робіцца дыванок, які складаецца з трох пластоў: наверсе тоўстая мяккая тканіна ці штучнае футра, усярэдзіне пластыкавы ці кардонны простакутнік, знізу - тканіна.

Аканіцы (дэталі 2-4) прышываюцца сваёй верхняй часткай над вокнамі ды дзвярыма. Дзе гэта неабходна, прымацоўваюцца ліпучкі, каб вакенцы ды уваходы можна было зачыніць або, наадварот, пакінуць адчыненымі. Усе бакавыя часткі папрыточваць ніжнім краем да падлогі. Дах прышываецца да двух бакавых сцен (што з вокнамі). Усе астатнія часткі павінны прымацоўвацца за кошт маланкі, лепш выкарыстоўваць двухбаковыя. Умацоўваецца канструкцыя па прынцыпу гарсэта, яна трымаецца за кошт 9 жалезных прутоў: тры паралельных пад дахам (па цэнтру ды па бакох), 4 па абводу падлогі, і два лукою паўзверх сцен з дзвярамі.

Калі пазасталіся пытанні ці незразумелыя нейкія падрабязкі, можна звярнуцца да форума.