Эвалюцыя труса, як і іншых жывых істот, накіроўвалася на прыстасаванне да навакольнага асяроддзя, і, назіраючы за ладам жыцця дзікіх трусаў, мы можам ацаніць гэтую цесную адаптацыю. Свойскія трусы, калі вонкава трохі і іншыя, захавалі нязменнымі фізіялагічныя характарыстыкі сваіх дзікіх сваякоў, што працягваюць гойсаць па лугах. Дзякуючы страваванню жывёла атрымлівае пажыўныя рэчывы, неабходныя для падтрымання функцый цела. Прыродны корм труса - трава - адносна бедны пажыўнымі рэчывамі, але багаты на непераварвальныя валокны. Стрававальны тракт труса - цуд прыроды, ён уладкаваны так, каб перапрацоўваць гэтую бедную на пратэіны ды багатую на валакно ежу. Трус здольны здабыць максімум карысных пажыўных рэчаваў з "нішчымных" прадуктаў, што не ў стане зрабіць большасць іншых жывёл.