Не трэба ставіцца да труса як да рэчы, якую можна выкінуць, калі яна надакучыла! Яны - жывыя істоты, якія таксама маюць пачуцці і якія таксама пакутуюць, калі іх крыўдзяць.

10 найчасцейшых прычын, па якіх аддаюць труса (па словах гаспадароў)*:
* Мае дзеці больш не клапоцяцца аб жывёле
* У дзіця або некага іншага ў сям'і алергія
* У мяне ёсць новыя кошкі / сабакі / дзіця, таму я не магу больш утрымоўваць труса
* Я занадта заняты / Я не разумеў, як шмат працы патрабуе трус. Ён не атрымлівае увагі, якую ён заслугоўвае
* Гаспадар нашага дома кажа, што я не магу трымаць яго / Я пераязджаю ў хату, дзе не дазволена мець хатніх жывёл
* Ён стаў "завялікі"
* Ён агрэсіўны (драпаецца/кусаецца) ды псуе рэчы, ад яго дрэнны пах у хаце
* Мы збіраемся ў адпачынак і не можам узяць яго з сабой
* Ён хворы / паранены, мы не будзем плаціць столькі грошаў на лячэнне жывёлы, якая амаль нічога не каштуе
* Навучальны год скончыўся і ён нікому не патрэбны

"А вось каму заяц, каму заяц-пабягаец?"
Некаторыя трусікі жывуць у прыютах, ад іх адмовіліся іх былыя гаспадары або яны былі канфіскаваныя. Зараз і ім неабходны дом з любячымі гаспадарамі. Такіх трусікаў вялікая колькасць, іх заўсёды некалькі дзесяткаў ў кожным горадзе, трэба толькі пашукаць ды пацікавіцца. Гэтыя здымкі зроблены ў нашым мясцовым прыюце.

Кралі ўжо былі аднойчы выратаваныя з валацужнага жыцця ці ад злых людзей, але зараз неабходна, каб нехта іх выратаваў зноў. зразумела, служачыя клапоціцца аб усіх гэтых трусах і шукаюць ім гаспадароў, але, нажаль, калі новага гаспадара трусіку не знаходзяць, праз некаторы час яго найчасцей усыпляюць, бо ўтрымоўваць іх вечна немагчыма і мейсца для ўсіх не хапае :( Самае сумнае, што лёсам трусаў мала заклапочаны: мала хто з увогуле ведае пра тое, што трусікаў можна не толькі купляць, але і браць з прыюта. Трэба ўлічваць, што наведвальнікі прыюта бачаць толькі некалькіх кралей, а астатняя частка жывёл схавана ад вачэй, яны жывуць у "заднім памяшканні" (куды наведвальнікі могуць уваходзіць вольна, калі запытацца ў служачых).

Савана. Яе знайшлі каля нечыяга пад'езду, згаладаўшую, і выхадзілі:

І там шмат розных трусікаў: усех памераў ды колераў, і ўсе чакаюць на свой дом. Большасць з гэтых трусікаў выглядаюць на шчырых жвавых звяркоў, якія будуць любіць сваіх новых гаспадароў.

-------

*Складзена на аснове досведу працы ў прытулках, а таксама з часопісаў ды больш за 2000 телефонных званкоў, што паступалі ў прыюты на працягу апошніх некалькіх гадоў.