Трусы з адмысловымі станамі: крывашыем, епілепсіяй, паралюшам і г.д. - маюць столькі ж сама правоў на поўнае, шчаслівае жыццё, як і звычайныя трусы. З невялікай дапамогай з нашага боку яны квітнеюць і адклікаюцца на далікатны догляд.

Не трэба ставіцца да труса як да рэчы, якую можна выкінуць, калі яна надакучыла! Яны - жывыя істоты, якія таксама маюць пачуцці і якія таксама пакутуюць, калі іх крыўдзяць.

10 найчасцейшых прычын, па якіх аддаюць труса (па словах гаспадароў)*:
* Мае дзеці больш не клапоцяцца аб жывёле
* У дзіця або некага іншага ў сям'і алергія
* У мяне ёсць новыя кошкі / сабакі / дзіця, таму я не магу больш утрымоўваць труса
* Я занадта заняты / Я не разумеў, як шмат працы патрабуе трус. Ён не атрымлівае увагі, якую ён заслугоўвае
* Гаспадар нашага дома кажа, што я не магу трымаць яго / Я пераязджаю ў хату, дзе не дазволена мець хатніх жывёл
* Ён стаў "завялікі"
* Ён агрэсіўны (драпаецца/кусаецца) ды псуе рэчы, ад яго дрэнны пах у хаце
* Мы збіраемся ў адпачынак і не можам узяць яго з сабой
* Ён хворы / паранены, мы не будзем плаціць столькі грошаў на лячэнне жывёлы, якая амаль нічога не каштуе
* Навучальны год скончыўся і ён нікому не патрэбны

Калі Вы грунтоўна абмеркавалі пытанне і вырашылі завесці труса, узнікае пытанне, дзе яго ўзяць, і гэта адказная справа. Набываць звера ў краме неабавязкова, трусам можна заапекавацца і выратаваць такім чынам яго жыццё. Існуе шмат людзей і нават таварыстваў, якія шукаюць хату трусам. Бяручы труса ў прытулку для пакінутых жывёл, Вы робіце добрую справу: звычайна тыя трусы ўжо вельмі доўга чакаюць прыдатнай хаты і падчас выпрабавалі цяжкі лёс. Вы дорыце ім шанец на шчасце.

Колькі жывуць трусікі? У розных краінах гэтыя паказальнікі розняцца. Напрыклад, на Берарусі працягласць іх жыцця прыкладна 5-7 год, у Канадзе 7-11, у Германіі ў сярэднім атрымоўваецца 8-12 год. Калі параўнаць з людзьмі, можна казаць, што адзін год труса адпавядае прыкладна 8 чалавечым гадам, а 10-гадовы трус - 80-гадоваму пажылому чалавеку. Я правяла размову з гаспадарамі трусоў з Германіі, як зрабіць, каб трусік пражыў найдаўжэй.