Пры харчаванні свойскіх трусікаў трэба арыентавацца на сілкаванне іх сваякоў, дзікіх трусаў. Нават калі трусы былі прыручаныя стагоддзі таму, біялагічна яны ўсё яшчэ гэтакія ж, як дзікія трусы: генетычна, структурай кішачніку, зубамі і г.д. Трусам патрэбна харчаванне, адпавядаючае іх трусінай прыродзе, гэта датычыць як якасці, так і колькасці ежы. У прыродзе дзікія трусы сілкуюцца пераважна травой (вялікай колькасцю), зёлкамі ды лісцем, падчас знаходзяць трохі гародніны, ім вельмі падабаецца грызці маладыя галінкі дрэваў ды хмызнякоў. Мы не ў стане знаходзіць для свойскіх трусаў вялікую колькасць свежай травы круглы год, таму мы даем ім добрае сена, ссушаную версію травы, і шмат сакавітых кормаў. Трусіны арганізм: кішачнік ды зубы прызначаны для таго, каб жывіцца перш за ўсё ежай, багатай на сырое валакно ды беднай на бялкі. Таму аноўны харчовы прадукт у дыеце дарослага труса - гэта сена добрай якасці, гародніна ды вада. Усё астатняе, у тым ліку гранулы ды ласункі, - другаснае і павінна падавацца ў абмежаванай колькасці. Карміць труса трэба ўвесь час, нават на шпацыры ён павінен мець доступ да ежы і пітва. Вельмі важна разумець, менавіта як адбываецца страваванне трусіка, каб належна карміць яго. Зубы труса растуць на працягу ўсяго жыцця, і прыроднае сілкаванне труса вядзе да сталага сшароўвання зубоў аднаго аб другі. Хуткасць гэтага сшароўвання залежыць ад працягласці жавання, таму перш за ўсё трусу патрэбны сена, зеляніна ды галінкі дрэва. Дарослым трусам, старэйшым за 1 год, патрэбна дастатковая колькасць пажыўных элементаў (прыблізна 74.9 калорый/кг), каб падтрымоўваць у іх належны ўзровень энергіі і масу, і дастаткова вітамінаў і карысных рэчываў, каб падтрымаць належныя функцыі цела. Запатрабаванні дарослага труса будуць цалкам задаволеныя рацыёнам, які складаецца з:

Сена ці трава - найважнейшы і неабходны прадукт сілкавання труса, таму важна клапаціцца аб тым, каб яно мелася ў труса заўсёды і ў неабмежаванай колькасці. Гэта самы лепшы корм для труса, бо самы падыходны для яго фізіялогіі. Сена ўтрымоўвае неабходныя пажыўныя рэчывы, а таксама вельмі важныя для трусіка баластныя рэчывы, якія дапамагаюць рэгуляваць працэс стрававання. Не турбуйцеся: сенам немагчыма аб'есціся, яго трусік можа жаваць у якой заўгодна колькасці, гэта не паўплывае на яго на вагу (ён не будзе ад яго таўсцець, як гэта адбываецца ад высокакаларыйных прадуктаў, як камбікорм). Добрае сена змяшчае кветкі, лісце розных раслін, шмат усякай травы, яно мае духмяны водар, прыемны зялёны колер і нарыхтавана па-за межамі горада.

Акрамя якаснага сена як асноўнага корму, часткай здаровага сілкавання з'яўляецца зяляніна, у тым ліку свежая гародніна. Зеляніна таксама, як і сена, важная ў дыеце труса. Акрамя таго яна забяспечвае ваду ў дыеце. Лепш, калі свойская жывёла спажывае тры або больш розных відаў гародніны штодня, разнастайнасць забяспечвае шырэйшы дыяпазон рэчываў. Гародніну можна даваць 2-3 разы ў дзень невялікімі порцыямі. Карміць трусаў можна толькі тымі раслінамі, аб якіх дакладна вядома, што яны не атрутныя. Калі Вы не ўпэўненыя, якія расліны добрыя для трусаў, і колькі іх падаваць, абавязкова звярніцеся да БАЗЫ РАСЛІН на сайце, бо існуе шмат атрутных для труса раслін. Калі Ваш трус ніколі раней не еў зяляніну, важна, каб трус прызвычаіўся да яе паволі, кожны дзень патроху, каб зразумець, як на пэўны прадукт рэагуе ваш трус. Улічвайце, што травы ды сена трэба даваць значна больш, чым гародніны, пры перакармліванні гароднінай існуе небяспека, што трусу стане дрэнна. Калі Вы заўважылі, што нейкія гародніна выклікае ляксу або іншыя засмучэнні, перайдзіце лепш на іншую. Трусы павінны атрымліваць зеляніну кожны дзень, яна не павінна быць адразу з халадзільніка, а таксама не быць сапсаванай. Трусы больш адчувальныя к сапсаваных прадуктаў, чым людзі. Лепш, каб трус сілкаваўся хаця б трыма рознымі тыпамі зеляніны штодня для таго, каб забяспечыць мноства пажыўных рэчываў. Пазбягайце крахмалістых прадуктаў ды з высокім утрыманнем цукру.

Пад камбікормам разумеюцца сухія гранулы, якія можна дадаткова даваць трусіку. Па большасці яны складаюцца са здробненай травы, збожжа ды мінеральных дадаткаў. Лепш карыстацца аднароднымі грануламі, чым сумесямі. Ці патрабуюць дарослыя трусы гэтую страву штодзённа, спрэчна. Але даваць яе можна, калі падыходзіць да гэтага вельмі эканомна і гранулы будуць складаць вельмі малую дакладна адмераную долю. Самая вялікая памылка, якую робяць людзі - гэта калі яны перакормліваюць труса высокакаларыйнымі прадуктамі, такімі, як гранулы і збожжа і недакармліваюць прадуктамі з высокім утрыманнем валакна, такімі, як сена і зеляніна. Калі Ваш трус спажывае занадта вялікую колькасць гранул, гэта пагражае атлусценнем, страўнікакішачнай хваробай ды смяротнымі праблемамі з зубамі.

Магчыма найгоршае наступства міфаў - тое, што трусянят адымаюць ад грудзей і прадаюць ва ўзростце 3-4 тыдні. Шмат людзей думае, што трусы могуць есці ў гэтым веку звыклую ежу, аддзеленыя ад маці. Гэта хвалюе паважаных заводчыкаў найболей. Трусяню трох або чатырох тыдняў усё яшчэ патрэбна багатае малако маці нават пры тым, што ён можа грызці дарослую ежу. Гвалтоўнае адыманне ад грудзей моладзі можа выклікаць сур'ёзныя праблемы пазней. Адбіранне ад грудзей у чатыры тыдні прызначана толькі для прамысловых мясных трусаў і толькі пад доглядам!

Акрамя ежы і пітва, у каморку таксама можна паставіць свежую галіну якога-небудзь дрэва (з лістотай): яблыні, вярбы, бярозы, грушы, клёна, дубу, ліпы. Калі ласка, не давайце трусам ніякіх галіны косткавых фруктовых дрэваў, бо яны ўтрымоўваюць у малаважнай колькасці сінільную кіслату.  Лепш прыносіць новую галіну кожныя 3 дні. Хоць трусы не належаць да групы грызуноў, усё роўна, яны павінны ўвесь час мець сёе-тое для грызення. Трусы ахвотна грызуць. Грызенне таксама істотна важна для сшароўвання зубоў. Клапаціцеся аб тым, каб Ваш трус заўсёды знаходзіў досыць галінак. Трус абавязкова паспрабуе на зуб вашу мэблю або ўласную клетку, калі вы не падасцё яму нешта больш трапнае для гэтай мэты.
 
Наколькі падчас цяжка ігнараваць труса, калі ён глядзіць на вас сваімі вочкамі, выпрошваючы розныя ласункі. У той час як свежую зеляніну ды батву можна прапанаваць амаль неабмежавана, карэнні і зёлкі лічуцца ласункамі, іх падаюць радзей і ў меньшай колькасці. Садавіна, якая так падабаецца трусам, таксама ласунак і даваць яе вушасціку трэба толькі падчас і ў невялікай колькасці (не больш 10мл у дзень на 1 кг вагі труса). Не давайце трусу больш садавіны, чым дазволена, бо бо высокае ўтрыманне цукру можа прывесці да дысбіёзу і іншых небяспечных хвароб, выклікае празмерна хуткі рост бактэрый у кішачніку труса. Іншыя прысмакі, такія як юзюм, арэхі, зёрна сланечніка падаюць яшчэ больш рэдка. Яны хутчэй залішнія, трусу, каб заставацца здаровым і жыць доўга, нічога гэтага не трэба. Абіраючы ласункі, пазбягайце прадуктаў з арэхамі, насеннем, збожжам (усё, што занадта багатае тлушчам ды можа выклікаць затвердзь), крухмалам, цукрам ды малаком (трусы - строгія вегетарыянцы!). Зараз гандаль прапануе велізарны асартымент цукерак, "прызначаных для трусікаў", і яны ім падабаюцца. Але гэтыя ласункі ўтрымоўваюць цукар і шкодныя для здароўя труса, таму не пажадана ўвогуле скармліваць іх. Супраціўцеся спакусе накарміць чалавечыя закускі, такія як хлебная трава, печывы, хлеб і т.д. і памятаць, што шакалад можа быць атрутным к трусаў. Лепш даваць яму натуральныя і здаровыя ласункі: маленькія кавалкі морквы, яблыкаў, банана і г. д. Ласункі можна выкарыстоўваць як частку ўзнагароды або пры навучанні.

Вагу труса трэба правяраць. Немагчыма падаць сярэднюю вагу для ўсіх трусаў, бо бываюць розныя заводы трусаў, з розным сярэднім весам: ад 1.2 да больш 8 кг. Але кожны гаспадар можа даведацца, зашмат важыць яго трус ці замала. Вырашальныя тут прапорцыя труса і яго агульны стан. Таксама трэба ведаць, якая вага сярэдняя індывідуальна для Вашага труса. Трус, які худнее, пры адсутнасці якіх-небудзь праблем са здароўем, можа проста патрабавать большую колькасць калорый у сваёй дыеце. Павелічэнне вагі павінна быць сустрэтым падаваннем большай колькасці сена і памяншэннем камбікорму. Здаровы трус худы і гладкі, Вы павінны быць у стане намацаць рэбры пад скурай, без пласта тлушча.

Патрэбна асцярога пры змене харчавання. Нельга змяняць звыклае сілкаванне рапіоўна, за адзін дзень. Жывот труса павінен паступова абвыкнуць да новага корму, інакш трусіка можа апушыць, будзе лякса або зацвердзь. Трэба даць час кішачным бактэрыям падладзіцца пад новы корм, інакш можа скончыцца дыярэей або навад смерцю. Магчыма, спатрэбяцца тыдні, каб зрабіць радыкальныя змены ў сілкаванні. У той час як сена можна даваць адразу ж без адмысловых асцярожнасцей, свежы зялёны корм павінен уводзіцца з паступова, патроху, правяраючы заўсёды потым, як выглядаюць фекаліі. Змена корму можа успрымацца трусам па-рознаму. Некаторыя трусы як быццам толькі і чакаюць, каб, нарэшце, паесці трохі свежай травы і зеляніны, у то час як іншыя ядуць асцярожна.